Кечээ, 28-августта Бишкектеги бала бакчалардын биринде ырчы Улукманапо ысымы менен белгилүү болгон Улукман Осмоналиев катышкан окуя катталды. Бул тууралуу милициядан билдиришти.

Алдын ала маалыматка ылайык, саат 16:30дар чамасында ырчы 2 жашар баласы менен бала бакчага кирген. Ошол учурда 65 жаштагы Б.Д аттуу күзөтчү эгер бала ооруп калса, инфекция башка бөбөктөргө да жугушу мүмкүн экенин эскерткен. Натыйжада ырчы менен күзөтчүнүн ортосунда жаңжал чыккан.

Маалыматтарга караганда, ырчы күзөтчүнү сүзүп жиберген.

“Бул факт Бишкектин Ленин райондук ички иштер башкармалыгына катталды. Учурда соттук-медициналык экспертиза дайындалып, иликтөө иштери жүрүп жатат. Анын жыйынтыгына жараша процессуалдык чечим кабыл алынат”,-деп айтылат милициянын маалыматында.