Мамлекеттик чек аранын кыргыз-кытай тилкесиндеги өткөрүү пункттары убактылуу жабылат. Бул тууралуу КР УКМКнын басма сөз кызматы билдирди.

Мекеменин маалыматына караганда, ишти убактылуу токтотуу демилгеси кытай тараптан келген. Бул Кытай Эл Республикасында белгиленүүчү «Цинмин» маркумдарды эскерүү күнүнө байланыштуу.

Чектөөлөр «Торугарт — автожол» жана «Эркечтам — автожол» өткөрүү пункттарына тиешелүү. Жарандарды, транспорт каражаттарын жана жүктөрдү өткөрүү 2026-жылдын 4-апрели саат 20:00дөн тарта токтотулат.

Аталган көзөмөл-өткөрүү пункттарынын иши 2026-жылдын 6-апрелинен тартып кайрадан кадимки режимде улантылат. Чек ара кызматы жолго чыга турган жарандарды жана жүк ташуучуларды бул маалыматты алдын ала эске алууну суранат.