Ысык-Көл облусуна караштуу Курмонту айылында Жогорку Кеңешке талапкерлер менен жолугушуулар өтүүдө – иш-чаралар жергиликтүү Маданият үйүндө өткөрүлүп жатат. Reporter.kg сайтынын окурманы жиберген видеодо талапкер Акылбек Тумонбаевдин үгүт баннери Маданият үйүнүн аймагына илингенин, ал эми башка талапкерлердин үгүт материалдары анын аймагынан тышкары — тосмого жайгаштырылганы көрүнөт.

Посмотреть эту публикацию в Instagram

Публикация от Reporter.kg (@reporter_kg)

Окурман Акылбек Тумонбаев өз кызмат абалынан пайдаланып, жергиликтүү айыл өкмөткө караштуу ресурстарды колдонуп жатат деп нааразычылыгын билдирди, анткени айылдардагы жана аймактардагы маданият үйлөрү — мамлекеттик объектилер болуп эсептелет.

«Өлкөнүн президенти Садыр Жапаров мамлекеттик кызматкерлер үгүт иштерине катышпашы жана талапкерлерге жардам бербеши керек деп айткан. А үгүт материалын маданият үйүнө илип коюуга болобу?» — деп суроо салды окурман.

Акылбек Тогузбаевич Тумонбаев VII чакырылыштагы өз ыйгарым укуктарын мөөнөтүнөн мурда токтоткон депутаттардын бири болгон. Ал Бюджет, экономикалык жана фискалдык саясат боюнча комитеттин мүчөсү. Ал алдыдагы шайлоодо №9 шайлоо округунан талапкер катары катышууда.