Келсинбек Бектемиров Жалал-Абад облусунун Таш-Көмүр шаарынын мэри кызматынан бошотулду. Анын ордуна мэр болуп Эрк Орозбаев дайындалды. Тиешелүү жарлыктарга президент Садыр Жапаров кол койду. Бул тууралуу өлкө башчынын басма сөз кызматы билдирди.

Ачык булактардагы маалыматтарга ылайык, Эрк Орозбаев 1984-жылдын 2-мартында Ош облусунун Жаңы-Жол районунун (азыркы Жалал-Абад облусунун Аксы району) Караван айылында төрөлгөн. 2020-жылы «Биримдик» партиясынан Жогорку Кеңештин депутаттыгына талапкер болгон. Ал ошондой эле коомдук ишмердүүлүк жана жаштар демилгелери менен алектенген.