Бүгүн, 26-ноябрда, карантиндик жана өзгөчө кооптуу инфекциялардын табигый очокторунда иштөөгө арналган мобилдик ПЦР/ИФА лабораториясы жана пневмокаркастык лабораторияны тапшыруу аземи өттү.

Жабдуулар Орусия тараптан берилди. Иш-чарага Кыргызстандын саламаттык сактоо министри Эркин Чечейбаев жана Орусиянын Роспотребнадзор кызматынын жетекчиси Анна Попова катышты.

Саламаттык сактоо министрлигинин маалыматында, берилген лабораториялар Кыргызстанда бир нече жылдан берииштеп жаткан мурдагы беш мобилдик комплексти толуктайт.

“Автошасси негизиндеги талаа мобилдик комплекси жол инфраструктурасы бар шартта алыскы аймактарга жетүүнү камсыздайт, ал эми пневмокаркас лабораториясы бир нече сааттын ичинде жайылып, өзгөчө кооптуу патогендер менен иштөө үчүн керектүү биологиялык коргоонун толук деңгээлин камсыздайт”,- деп билдирди министрлик.