31-март күнү саат 09:00дөн 24:00гө чейин Бишкек шаарынын бир бөлүгүндо ичүүчү суу берүү токтотулат. Бул тууралуу шаар мэриясы кабарлады.

Суу Шопен, Юнусалиев, Ахунбаев, Жукеев Пудовкин жана Сүйөркулов көчөлөрү менен чектелген аймакта өчүрүлөт. Бул чектөө турак жай имараттарына, мектептерге, бала бакчаларга, саламаттыкты сактоо мекемелерине, социалдык жана өндүрүштүк объекттерге тиешелүү.

Суу берүүнү токтотуу диаметри 400 мм болгон суу түтүгүндөгү авариялык оңдоо иштерине байланыштуу. “Бишкексууканал” ишканасы тургундарды жана мекемелерди ичүүчү сууну алдын ала камдап алууну суранат.