Кыргызстандын Министрлер кабинети «Учкун» ачык акционердик коомун мамлекеттин экономикасы жана коопсуздугу үчүн эң маанилүү стратегиялык объекттердин «А» категориясына киргизди. Тийиштүү токтомго Министрлер кабинетинин төрагасы Адылбек Касымалиев кол койду.

Буга чейин өлкөдөгү эң ири басмакана «Б» категориясына кирген. Эми ишкананын ишинин өзгөчөлүгүн эске алуу менен анын статусу жогорулатылды: «Учкун» паспортторду, шайлоо бюллетендерин, жогорку отчёттук документтерди жана окуу адабияттарын даярдоого жооп берет.

Ишкананы жогорку категорияга киргизүү бардык өндүрүштүк процесстерди коргоо, көзөмөлдөө жана коопсуздук боюнча талаптарды күчөтүүнү шарттайт.

Жаңы иш жана коргоо режими токтом расмий жарыяланган күндөн тартып 10 күн өткөн соң күчүнө кирет.