Бишкектин айрым аймагында эртең, 4-декабрда ичүүчү суу берүү чектелет. Бул тууралуу шаар мэриясынын басма сөз кызматы кабарлады.

Маалыматка ылайык, эртең саат 10:00дөн 24:00гө чейин суу берилбейт: турак үйлөрдө, мектептерде, бала бакчаларда, медициналык мекемелерде, ишканаларда жана башка социалдык-турмуштук объекттерде, төмөнкү көчөлөр менен чектелген аймакта:

• Селекционное — Муромская — Биримдик — Жайыл Баатыра.

Суу берүү авариялык-өндүрүштүк иштер менен байланыштуу, диаметр 250 мм болгон суу түтүгүндө токтотулат.

«Бишкексууканал» коммуналдык ишканасы убакыттык ыңгайсыздыктар үчүн кечирим сурап, жашоочуларга жана мекемелерге алдын ала ичүүчү суу запас кылууну сунуш кылды.