Ак-Суу районунда жаңы машина-трактордук станция ишке кирди

19.03.2026 | 17:08

Ак-Суу районунда машина-трактордук станция (МТС) ишке кирди. Айыл чарба министрлигинин маалыматында, президенттин фондунан 108 млн сом бөлүнгөн. МТС үчүн Ак-Суу айылындагы мурунку «Сельэнерго» ишканасынын базасы пайдаланууга берилген.

Станциянын карамагына 60тан ашык айыл чарба техникасы жеткирилген. Аталган техникалар Түп, Ак-Суу жана Жети-Өгүз райондорунун дыйкандарына кызмат көрсөтөт.

Программанын алкагында картошка өстүрүү багытына басым жасалып, 10 даана картошка казуучу комбайн сатылып алынган. Учурда станция жазгы талаа иштерин жүргүзүп, дыйкандарга кызмат көрсөтүүдө.

Scroll to Top