Расмий маалыматтар боюнча соңку үч айда үй-бүлөлүк зомбулуктун кесепетинен сегиз киши өлгөн.
Министрлик билдиргендей, үч айда ден соолукка оор зыян келтирүү боюнча 144, анча оор эмес зыян келтирүү боюнча 105, уруп-согуу боюнча 138 кылмыш иши козголгон. Үй-бүлөлүк зомбулукка байланыштуу 2082 факты административдик беренелер, негизинен майда бейбаштык менен тергелген.
Буга чейин Бириккен Улуттар Уюму коронавирус пандемиясы башталгандан бери үй-бүлөлүк зомбулук күчөгөнүн маалымдаган.
