Бириккен Араб Эмираты Кыргызстанга гуманитардык жардам берди. Бул тууралуу штабдан билдиришти.
Бүгүн, 23-апрелде Эл аралык «Манас» аэропорту «Etihad Airways» авиакомпаниясынын коронавируска каршы күрөшүү боюнча жеке коргоочу каражаттар жана медициналык дары-дармектерди камтыган гуманитардык жүк менен келген самолетун тосуп алды.
Жардам көрсөтүү ушул жылдын 6-апрелиндеги президент Сооронбай Жээнбеков менен Абу-Даби Мураскер-принци, Бириккен Араб Эмираттарынын Куралдуу Күчтөрүнүн Башкы кол башчысынын орун басары шейх Мухаммед бин Заед Аль Нахайяндын телефон менен сүйлөшүүсүнүн жыйынтыгында жетишилген келишимдин натыйжасында ишке ашты.
