Жогорку Кеңештеги көпчүлүк коалиция премьер-министрликке Кубатбек Бороновдун талапкерлигин жактырды. Бул тууралуу 16-июндагы көпчүлүк коалициянын жыйынында айтылды.
Отурумда Иса Өмүркулов дайындалган премьер-министр парламенттик шайлоого чейин, тактап айтканда, кийинки чакырылыштын депутаттары келгиче кызмат кыларын айтты.
Белгилей кетсек, кечээ, 15-июнда Мухаммедкалый Абылгазиев кызматынан кетүү тууралуу арыз жазган. Бүгүн, 16-июнда Абылгазиевди премьер-министр кызматынан бошотуу тууралуу жарлыкка президент Сооронбай Жээнбеков кол койду.
