Саламаттык сактоо министри Сабиржан Абдикаримов жана анын орун басары Нурболот Үсөнбаев ооруп жатышат. Бул тууралуу reporter.kg’ге өздүк булактар маалымдады. Бирок алардын так диагнозу белгилүү боло элек.
Өздүк булактын маалыматына ылайык, Абдикаримов пневмонияга чалдыккан, ал эми Үсөнбаевде коронавирус инфекциясын жуктуруп алган деген шек бар дешүүдө.
Эске сала кетсек, 6-июль күнү Сабиржан Абдикаримов Коопсуздук кеңешинин жыйынында онлайн түрдө маалымат берген.
