Бир сутка ичинде өлкө боюнча 22 медициналык кызматкер коронавирус жуктуруп алганы аныкталды. Бул тууралуу Саламаттыкты сактоо министрлигинин өкүлү Айнура Акматова билдирди.
Илдетке кабылган медиктер төмөнкү аймактарда:
Чүй облусунда – 3
Ош ш. – 1
Ош облусунда – 6
Жалал-Абад облусунда – 7
Баткен облусунда – 4
Нарын облусунда – 1
Ал эми бир суткада 12 медициналык кызматкер ооруканалардан айыгып чыккан.
Мындан сырткары үй карантининен 48 медициналык кызматкер сакайган.
Жалпысынан республика боюнча COVID-19 диагнозу менен медициналык кызматкерлер арасында 2683 учур катталды, алардын ичинен 1478 медкызматкер айыкты.
