Таластын губернатору бийликти элге өткөрүп берди. Бул тууралуу “Репортер кж” маалымат агенттигине Өкмөттүн өкүлү Марат Мураталиев өзү билдирди.
Байланышканыбызда “башалмандыктын кереги жок. Кетип калдым”, деди Мураталиев. Учурда Талас обулусундагы акимчиликтин алдында 200дей киши чогулуп турат. Топтолгондор буга чейин губернаторлукка “Республика” партиясынан депутаттыкка талапкер Кубат Болоткановду сунушташкан. Бирок жергиликтүү активисттер анын кызматка келишине каршылык билдирип, Ак үйгө киргизишкен эмес. Учурда мекемеде иштегендер сыртка чыгарылып, акимчилик эл тарабынан курчоодо турат.
