Мурдагы президент Алмазбек Атамбаевдин жансакчысы, мурдагы улуттук коопсуздук кызматкери Канат Сагымбаев үй камагына чыкты. Бул тууралуу “Репортерго” Биринчи май райондук соттун басма сөз катчысы Айзада Момунова кабарлады.
“Соттун бүгүн, 5-декабрдагы чечими менен Канат Сагынбаев 2021-жылдын 10- февралына чейин үй камагына чыкты. Азыркы тапта судья Фарид Ниязовдун баш коргоо чарасы боюнча чечим чыгаруу үчүн кеңешүү бөлмөсүнө кирип кетти”, – деди Момунова.
Канат Сагынбаевдин үй камагына чыккандыгын Атамбаевдин тарапташтары дагы социалдык тармактарга жарыялашууда.
Канат Сагымбаев 2019-жылдын сентябрь айында Кой-Таш окуяларындагы башаламандык боюнча кармалган. 2020-жылдын 5-6-октябрындагы башаламандык учурунда камактагы бир топ саясатчы менен бирге абактан чыгып, 5 күндөн кийин кайра кармалган.
