Президент Садыр Жапаров 3–4-июлда Азербайжанга болгон иш сапары аяктаганын Президенттик администрациянын маалымат кызматы кабарлады.

Ал Агдам районундагы “Айкөл Манас” мектебинин ачылышына катышып, жергиликтүү тургундарга жаңы үйлөрдүн ачкычтарын тапшырды. Ошондой эле “Жеңиш” шоу-программасын көрүп, Ханкенди шаарында өткөн Экономикалык кызматташтык уюмунун 17-саммитинде сөз сүйлөдү.

Президент климаттык туруктуулук жана экономикалык өнүгүү боюнча биргелешкен аракеттерди күчөтүүгө чакырды.

Иш сапар соңунда Садыр Жапаров 4-июлда Кыргызстанга кайтып келди.