Президенттик шайлоодо жеңип чыккан Садыр Жапаров орусиялык «Коммерсант» гезитине маек куруп, ал түрмөдө отурганда социалдык тармактар аркылуу эл менен иштешкенин айтты.
Анын айтымында, мыйзамга ылайык муну жасоого болбойт, бирок «ал чыгуунун жолун тапты».
«Үч жарым жылдан бери карапайым эл менен түз байланышта болуп келем. Мыйзам боюнча, бул мүмкүн эмес, бирок андан чыгуунун жолун таптык. Одноклассники, Фейсбук, Инстаграмда топторду түзгөн. Мен адамдардын байланыштарын WhatsAppтан чогултуп, ал жерде 50дөн ашык топ түздүм — бир топ 256 байланышты кармайт. Ушул топтор аркылуу мен Кумтөр жөнүндө, өз ишим жөнүндө маалымат таратам. Ошентип, үч жарым жылдын ичинде мен бардык адамдарга жеттим. Абакта сиз 24 саат бою эркин адамсыз: бош убактыңыз бар. Мен түрмөдөн ушундай жол менен революция жасадым», — деди Жапаров.
