Премьер-министр Улукбек Марипов Төрт-Гүл каналынын тегерегиндеги талаш-тартыш боюнча кайрылуу жасады. Ал Жогорку Кеңештин жыйынында Төрт-Гүл каналы эмес Тажикстандын карамагындагы Кайырма каналы тууралуу айтканын билдирген.
Суусунун көлөмү 90 млн кубду түзгөн Төрт-Гүл суу сактагычы Баткен облусунун аймагына 1972-жылы курулган. Учурда ал Баткен районундагы жана Баткен шаарындагы 11 миң гектардан ашуун айдоо жерин сугат суу менен камсыздайт.