Коррупцияга айыпталгандардан өндүрүлгөн акча мамлекеттик казынага төгүлөт. Бул тууралуу УКМКнын төрагасы Камчыбек Ташиев маалымат жыйында билдирди.
Анын айтуусуна караганда чогулган каражат толугу менен мамлекеттик казынага берилет.
“Азыр баш аягы 4 миллиард сомго чукул каражат чогулду. Ал күн сайын көбөйүп жатат. Бул акча бизде калбайт, толугу менен ар бир тыйынын эсептеп, бюджетке өткөрүп беребиз. Ал жакта кандай кылып бөлүштүрөт Финансы министрлиги өздөрү чечет”, — дейт Ташиев.
