АКШ визасына арыз берүүдө жасалма документтерди тапшыруу олуттуу мыйзам бузуу болуп саналып, виза алуу укугунан ажыроого алып келиши мүмкүн. Бул тууралуу АКШнын Кыргызстандагы элчилиги билдирди.

Маалыматка ылайык, жалган маалымат берген же жасалма документтерди тапшырган жаранга АКШга саякаттоого түбөлүк тыюу салынышы мүмкүн.

“АКШнын Мамлекеттик департаменти визалык системанын бүтүндүгүн коргоо жана улуттук коопсуздукту камсыз кылуу үчүн кылдат текшерүү жана коопсуздук чараларын колдонот”,- деп билдирди АКШ элчилиги.