Аксыда 9 үй жер көчкү алдында калуу коркунучу жаралды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Жалал-Абад облусунун Аксы районуна караштуу Кара-Суу айыл аймагындагы Жүзүм-Жан айылында 9 үй жер көчкү алдында калуу коркунучу жаралган. 30-март күнү жер көчкү активдешип, жаракалары чоңойгондугу байкалып, жакын жайгашкан 9 турак жайга коптуу абал пайда болгон.
Буга байланыштуу жарандык коргонуу комиссиясы түзүлүп, ӨКМнын Өзгөчө кырдаалдарга мониторинг жүргүзүү жана божомолдоо департаментинин кызматкерлери, ыкчам топ тартылып, 9 турак үйдүн жашоочулары коопсуз жерге көчүрүлгөн.
31-март күнү түзүлгөн коммисия жеринде тактоо иш-чараларын жүргүзүшкөн.
Бүгүн 1-апрель күнү жеринде иш-чаралар уланууда.
