“Жеңиш” чокусунда калган россиялык альпинист Наталья Наговицынадан кабар алуу үчүн бүгүн дрон учурулат. Бул тууралуу ЖМКлар ӨКМге таянуу менен жазып чыкты.

Маалыматка ылайык, буга чейинки издөө-куткаруу аракеттери начар аба ырайына байланыштуу үзгүлтүккө учураган. Азыр аба ырайынын жакшырышы дрон аркылуу байланыш түзүп, кырдаалды баалоого шарт түздү.

Эгер альпинисттин тирүү экени такталса, аны сактап калуу боюнча чаралар көрүлөт.

Эске салсак, Наговицына 12-августта 7 200 метр бийиктиктеги “Жеңиш” чокусунда бутун сындырып алып, калып калган. Жакын жерден анын шериги болгон италиялык альпинисттин сөөгү да табылган. Адистер катаал аба ырайын байланыштуу аны алып чыгуу мүмкүн эместигин мурда билдиришкен.