Кыргызстандык спортчу Акжол Махмудов Казакстанда өтүп жаткан күрөш боюнча Азия чемпионатында алтын медаль утуп, чемпион болду.
Турнир 9-апрелде Астанада (Казакстан) башталган.
Махмудов 77 килограммга чейинки салмак ченинде күч сынашып, 1/4 финалдан баштап, түркмөнстандык балбанды жеңип алды. Жарым финалда кыргызстандык балбан япониялык спортчуларды жеңип, финалга чыкты.
Турнирдеги чечүүчү кармашта Махмудов ирандык балбан менен беттешиши керек болчу, бирок ал жарым финалда жаракат алып, беттешүүдөн баш тартты. Мындан улам Махмудов үчүнчү жолу Азия чемпиону болду.
Биздин Телеграм каналыбызга катталыңыз
