Алдамчылыкка шектүү адам кармалды. Бул тууралуу Жол кыймылынын коопсуздугун камсыздоо башкы башкармалыгынын Жалал-Абад облустук бөлүмүнүн басма сөз кызматынан билдиришти.
Маалыматка ылайык, Бишкек шаарынын тургуну андан автоунааңды сатып алабыз деп 3 миң долларын алдап алып кетишкенин айтып арыз менен кайрылган. Бул окуя боюнча иликтөөнүн жүрүшүндө шектүү катары өтүп жаткан Ж.Ш. аттуу Чүй облусунун тургуну ЖКККББнын Кара-Көл шаарындагы бөлүмүнүн кызматкерлери тарабынан кармалган.
Кийин шектүү аталган ишти алып барып жаткан Бишкек шаардык милициясына өткөрүлүп берилген.
