Алтынай Өмүрбекова менен Аида Исмаилова Финполго суракка чакырылды. Бул тууралуу “Репортерго” өздүк булактар кабарлашты.
Маалыматка караганда, мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча бүгүн, 26-январга суракка чакырылган.
Аида Исмаилова учурда сурак берүүдө.
Белгилей кетсек, Алтынай Өмүрбекова 2018-жылдан 2020-жылга чейин вице-премьер болуп иштеген, Аида Исмаилова ал кеткенден кийин апрель айынан октябрга чейин аталган кызматты аркалаган.
