Кыргыз мамлекеттүүлүгүнүн тарыхында өзгөчө орун алган, эл биримдиги менен азаттыгы үчүн күрөшкөн мамлекеттик жана коомдук ишмер Алымбек датканын 225 жылдыгына карата кыргыз-казак төкмө акындарынын эл аралык айтышы уюштурулууда.

Иш-чараны Маданият, маалымат жана жаштар саясаты министрлиги, президенттин Ош облусундагы ыйгарым укуктуу өкүлчүлүгү жана Кыргыз улуттук “Манас” театры өткөрөт.

Мааракенин максаты – Алымбек датканын өмүрүн жана элибиз үчүн жасаган өрнөктүү иштерин даңазалоо, жаш муунга үлгү көрсөтүү, ошондой эле кыргыз элинин байыркы төкмөлүк өнөрүн жайылтуу жана өнүктүрүү болуп саналат.

Тандоо туру

• 11-сентябрь, саат 09:00
• Алай райондук маданият үйү (Гүлчө айылы)
• Каттоо: 09:00–10:00

Финалдык айтыш

• 12-сентябрь
• Алай районундагы Алымбек датканын жайлоосунда, калың элдин алдында

Байге фонду: 6 млн сом