Улуттук коопсуздук мамлекеттик кызматы Алмазбек Атамбаевди кайтарган мамлекеттик күзөттүн кызматкерлери алынды деген маалыматты төгүндөдү.
Мекеменин билдиришинче, учурда экс-президентти кайтарган күзөт кызматкерлеринин саны мурдагыдай эле.
Атайын кызмат Атамбаевдин коопсуздугу үчүн зарыл болгон учурда кошумча күзөт кызматкерлер менен күчтөп берүүгө даяр экенин билдирген.
Бүгүн бир катар басылмалар Атамбаевди колдоо штабынын өкүлдөрүнө таянуу менен экс-президентти кайтарган мамлекеттик күзөттүн кызматкерлеринин кетип калганын жазып чыгышкан.
