.svg){kind=logo}
Чыңгыз Айдарбеков мандат берүүнү талап кылып БШКга арыз жаздыБашка адамдардын талаасында мал жайган жана чипи жок малды алуу сунушталуудаКР энергетиктери 2026-жылы 13 кичи ГЭСти ишке киргизет — аймактардын тизмесиЖК комитети баатыр энелердин балдарына жеңилдиктерди берүү долбоорун жактырдыСогуштун жыты бар, бирок коркуу жокОшто Алымбек Датка көчөсүнө веложолу бар тротуар куруу иштери башталды
Ататүрк паркындагы үйлөр бузулбайт, тургундар паркты өнүктүрүүгө 500 млн сом бөлүшөт
12.08.2025 | 10:42
Бишкек шаарынын мэри Айбек Жунушалиевдин айтымында, Ататүрк паркындагы турак жайларды бузбоо боюнча чечим кабыл алынды. Үй ээлери паркты өнүктүрүүгө жалпы 500 млн сом бөлүүгө макул болушкан. Учурда анын 97 млн сому чогулду.
Мэрдин маалыматына ылайык, парктын аянты 107 гектар деп аныкталган. Конституциялык сот мэриянын чечимин мыйзамдуу деп тапкан, бирок турак жай ээлеринин жерлерине мурда эле менчик укугу берилгендиктен, соттук иш уланууда.
“Сот иштери узакка созуларын билгендиктен орток чечимге келдик. Топтолгон каражат Ататүрк жана башка парктарды өнүктүрүүгө жумшалат. Мындан тышкары, мурда курулушка берилип, бирок иштер башталбаган 5,12 гектар жер кайра парктын карамагына кайтарылды”, — деди Жунушалиев.
Рубрики: Жаңылыктар
