Жалпы кубаттуулугу 2217 МВт болгон “Казарман жана Көкөмерен ГЭС каскадын куруу” долбоорлорун ишке ашыруу боюнча Кыргызстандын өкмөтү менен “Орто Азия Инвестициялык Холдинги” ачык акционердик коому ортосунда Инвестициялык келишимдерге кол коюлду. Бул тууралуу Энергетика министрлиги билдирди.

Аталган документке Кыргызстандын энергетика министри Таалайбек Ибраев жана «Орто Азия Инвест холдинг» ААКнын директорлор кеңешинин төрагасы Ахмет Мюджахит Орен кол койду.

Казарман ГЭС каскады Нарын дарыясында жайгашат, курамында 4 ГЭС бар. «Орто Азия инвестициялык Холдинг» ишканасы каскаддын 3 ГЭСин курууга кызыктар. Алардын жалпы кубаттуулугу 912 МВт:

• Ала-Буга ГЭСи – 600 МВт
• Кара-Булуң-1 ГЭСи -149 МВт
• Кара-Булуң-2 ГЭСи -163 МВ.

Ал эми Көкөмерен ГЭС каскадынын курамында 3 ГЭС бар. Алардын жалпы кубаттуулугу 1305 МВт:

• Каракол ГЭСи – 33 МВт
• Көкөмерен ГЭСи-1-360 МВт
• Көкөмерен ГЭСи-2 – 912 МВт.