Евразия өнүктүрүү банкынын (ЕАӨБ) маалыматтары боюнча Борбордук Азияда аймак ичиндеги инвестициялардын таасирдүү өсүшү катталды: 2023-жылга карата көрсөткүч 42% га көбөйүп, 1,3 млрд долларга жетти. Инвестициялардын 80 % га жакыны үч негизги тармакка — курулуш, өндүрүш өнөр жайы жана каржы секторуна топтолгон. Кирген инвестициялардын эң чоң көлөмүн аймактагы эки мамлекет көрсөтөт: Казакстан (9,4 млрд доллар) жана Өзбекстан (10,7 млрд доллар). ЕАӨБ башкы экономисти Евгений Винокуров белгилегендей, региондо өз ара түз чет өлкөлүк инвестициялардын топтолгон көлөмү рекорддук 48 млрд долларга жетти, ал эми акыркы беш жылда орточо жылдык өсүш темпи 24,4% түздү — бул жалпы Евразиялык регионго караганда кыйла жогору.

Евразия аймагында өз ара инвестициялардын жалпы көлөмү 48,4 млрд долларга жетти, мында негизги кыймылдаткыч күч жеке бизнес болду: анын үлүшү 72% га чейин өстү, ал эми салымдардын жалпы көлөмү 34,7 млрд долларды түздү. Бул динамика тике чет өлкөлүк инвестициялардын глобалдык төмөндөшүнүн фонунда байкалууда-өткөн жылы дүйнөлүк агымдар 11% га кыскарды. Эксперттер Борбор Азиянын ийгилигин максаттуу саясат менен байланыштырышат: Казакстанда инвестициялык климатты жакшыртуу боюнча стратегия ишке ашырылууда, ал эми Өзбекстанда чет элдик инвестициялар активдүү колдоого алынууда.