Германияда Магдебургдагы Рождество базарында теракт даярдаган деп шектелген Борбор Азия өлкөлөрүнүн биринин 21 жаштагы жараны камакка алынды. Шаардын ички иштер министрлигинин маалыматы боюнча, жигит автоунаа менен элге кол салууну пландап жаткан. 

Ведомство исламчыл идеология түрткү болушу мүмкүн деп эсептейт. Кармалган адамды депортациялоо жол-жобосун татаалдаштырбоо үчүн бийлик тергөөнүн чоо-жайын ачыктоодон баш тартты, деп билдиришти ИИМден.