Бүгүн, 27-июль күнү өкмөттүн Ысык-Көл облусундагы өкүлү кызматына жаңы дайындалган Балбак Түлөбаев эмгек жамаатына тааныштырылды. Бул тууралуу өкмөттүн Ысык-Көл облусундагы өкүлчүлүгүнөн билдиришти.
Маалыматка ылайык, Балбак Түлөбаевди вице-премьер-министр Акрам Мадумаров облус администрациясынын эмгек жамаатына тааныштырып, премьер-министр Кубатбек Бороновдун кызматына дайындоо буйругун окуп берген.
Балбак Түлөбаев 2018-жылдын август айынан бери Бишкек шаардык мэриясынын аппарат башчысы болуп иштеп келген.
Ысык-Көл облусунун мурдагы башчысы Акылбек Осмоналиев өкмөт аппарат жетекчисинин биринчи орун басары болуп дайындалды.
