Ысык-Көл облусунун прокуратурасы Балыкчы шаарынын кызмат адамдарына козгогон кылмыш ишинин алкагында мурдагы мэр Алмаз Мамбетов (учурда Ош шаарынын мэри) боюнча текшерүү жүргүзүлүүдө. Бул тууралуу Reporter.kg’ге Башкы прокуратурадан билдиришти.

Маалыматка караганда, облустук прокуратура козгогон кылмыш иши Алмаз Мамбетовдун Балыкчынын мэри болуп турган мезгилге тиешелүү.

“Балыкчы шаарынын кызмат адамдарына карата кызмат абалынан кыянаттык менен пайдалануу беренеси боюнча төрт кылмыш иши козголгон”, – деп билдиришти  Башкы прокуратурадан.

Бул иш боюнча биринчи вице-мэр Азиз Асаналиев кармалып, үй камагына алынган. Кылмыш иши Балыкчы шаарындагы балык базарынын курулушуна байланышкан.

Биздин Телеграм каналга катталыңыз