Баткенде эки бөлмөлүү турак үй толугу менен өрттөнүп кетти. Бул тууралуу Өзгөчө кырдаалдар министрлигинин маалымат кызматынан билдиришти.
Таңкы саат 05:41деги маалыматта Сүлүктү шаарында турак үй күйүп жаткандыгы айтылган. №52 ӨККБнөн 1 бөлүм саат 06:00дө өрт болгон жерге жетип, 06:22де өрттү толук өчүрүшкөн. Ага кошумча Сүлүктү шаарындагы 1-ӨМТККВнан 4 куткаруучу тартылып, үй эмеректери сыртка чыгарылган.
Материалдык чыгым: 2 бөлмөлүү турак үй толугу менен күйүп кеткен.
Өрттүн жалпы аянты 18 чарчы метрди түзөт. Жабыркагандар жок.
Өрттүн чыгуу себеби такталууда.
