Баткен облусунда жол кырсыгынан 4 адам жаракат алды. Бул тууралуу Өзгөчө кырдаалдар министрлигинен билдиришти.
Маалыматка ылайык, Баткен районунун Кара-Булак айыл аймагынын Бужум айылында “Хюндай Портер” жана “ВАЗ 2107” унааларынын катышуусунда жол кырсыгы катталган. Анын кесепетинен 4 киши жабыркаган.
Окуя болгон жерге барган куткаруучулар жабыркагандарды унаадан чыгарып, “Тез жардам” кызматына өткөрүп берген.
