Базар-Коргон шаарында жаңы жылдык балаты күйүп кетти. Бул тууралуу Өзгөчө кырдаалдар министрлигинин маалымат кызматынан билдиришти.
ӨКМге бүгүн саат 05:44тө Базар-Коргон шаарында жаңы жылга карата орнотулган балаты өрттөнүп жатат деген маалымат келип түшкөн.
“Жерине №78 ӨКБнүн бир өрт өчүрүүчү бөлүм тартылып, күйгөн балаты 05:49 чектөөгө алынып, толук 05:52 өчүрүлдү.
Майрамга карата кооздолуп жасалган балатынын 30 пайызы күйгөндүгү аныкталып, учурда калыбына келтирүү иштери жүрүүдө”, — деп жазылат маалыматта.
