Кечээ, 16-октябрда, социалдык тармактарда Бишкектеги айрым мектептерде теракт даярдалып жатканы тууралуу маалыматтар тараган. Белгисиз эркек киши балдарды өлтүрөрүн айтып, мектептердин тизмесин жарыялаган. Окуядан кийин укук коргоо органдары бул мектептерди курчоого алып, эч кандай коркунуч аныкталган эмес.

Кийинчерээк белгилүү болгондой, бул маалыматтарды эл аралык издөөдө жүргөн Украина жараны Ярослав Овсюк тараткан. Ал өзүнүн Telegram-каналында бишкектик жигиттин сүрөтүн жарыялап, аны өзүнүн «шериги» катары көрсөткөн. Милиция жана УКМК кызматкерлери биргеликте анын өздүгүн такташкан — ал жашы жете элек М.Н. экени аныкталган.

Посмотреть эту публикацию в Instagram

Публикация от Reporter.kg (@reporter_kg)

Видеодо жигиттин бетине жана колдоруна кан жабышкан абалда көрүнүп, жүзү жабылган. Ал буга чейин Telegram аркылуу белгисиз колдонуучу менен кайым айтышканын, кийин анын Ярослав Овсюк экени белгилүү болгонун айтып берген. Ошондон кийин анын дарегине «bishkekhorror» аттуу аккаунттан коркутуулар келе баштаган.

Текшерүүнүн жыйынтыгында М.Н. бул коркутууларга жана билдирүүлөргө тиешеси жок экени аныкталган. Маалыматтын өзү атайылап жасалган провокация болуп, аны башка чат катышуучулары өч алуу максатында жайгаштырганы белгилүү болду.
Жашы жете элек жигиттин ата-энесине карата Кыргыз Республикасынын укук бузуулар жөнүндөгү кодексинин «Ата-энелик милдеттерди аткарбоо» беренеси боюнча протокол түзүлдү.