Бишкек милициясы окуучуларга коркутуу билдирүүлөрүн тараткан адамдын өздүгүн тактады. Ал — Украина жараны, 20 жаштагы Ярослав Овсюк экени белгилүү болду.

Шаардык ички иштер башкы башкармалыгынын маалыматына ылайык, ал телефондук терроризм боюнча Россия тарабынан эл аралык издөөдө жүргөн.

«Коркутуу тууралуу маалыматтар айтылган бардык мектептер текшерилип чыкты — шектүү буюмдар табылган жок», — деп билдиришти милициядан.

Укук коргоо органдары Бишкек тургундарын сабырдуу болууга жана паникага алдырбоого чакырат. Бардык билдирүүлөр кылдат текшерилип, милиция кызматкерлери күчөтүлгөн тартипте иштеп, окуучулардын жана мугалимдердин коопсуздугун камсыздоодо.