Бир сутка ичинде өлкө боюнча 3 медициналык кызматкер коронавирус жуктуруп алганы аныкталды. Бул тууралуу Республикалык ыкчам штабдан кабарлашты.
Маалыматка ылайык, Бишкек шаарында 1, Ош шаарында 1 жана Жалал-Абад облусунда 1 медиктен коронавирус аныкталган.
Ал эми бир суткада 2 медициналык кызматкер ооруканалардан айыгып чыгып, үй карантининдеги 8 медициналык кызматкер сакайган.
Жалпысынан республика боюнча COVID-19 диагнозу менен медициналык кызматкерлер арасында 3038 учур катталды, алардын ичинен 2352 медкызматкер айыкты.
