Мамлекеттик бажы кызматынын кадрлар резервине өткөн сынактын жыйынтыгында 66 талапкер тандалып алынды. Сынакка баштапкы этапта 382 адам катышып, үч турдан турган тандоо жараяны уюштурулган.

Биринчи этапта дене тарбия даярдыгынан 213 талапкер ийгиликтүү өттү. Экинчи турда 8–9-июлда 100 суроодон турган компьютердик тест өткөрүлүп, 68 киши үчүнчү этапка жолдомо алган. Акыркы этапта талапкерлер эссе жазып, комиссия менен маектешүүдөн өтүштү.

Жыйынтыгында, 66 адам кадрлар резервине киргизилди. Анын ичинен укук коргоо органдарында мурда иштеген 19 талапкер курстан өтпөстөн сырттан резервге алынса, 47 талапкер атайын даярдык курсунан өтөт.

Толук маалымат жана талапкерлердин тизмеси Бажы кызматынын сайтында жарыяланган: www.customs.kg