Бишкек шаарынын мэриясы covid-19 пандемиясы учурунда медицина кызматкерлери жетишсиз болуп жаткандыктан ыктыярчы медиктерди жардамга чакырат. Бул тууралуу мэриянын басма сөз кызматы кабарлайт.
“Турак-жай, тамак-аш менен камсыз кылабыз. Айлык акы саламаттык сактоо министрлигинин 3-июлундагы №496 буйругуна ылайык, карантиндик-казарма режиминде иштегендердей күнүнө дарыгерлер 2 миң 300 сомдон, медайымдар жана атайын ишке тартылган башка кызматтардын кызматкерлерге 1 миң 800 сомдон төлөнөт”, – деп жазылат маалыматта.
Мэрия тараткан билдирүүдө, учурда башкалаада оң динамика байкалып, мэриянын күндүзгү стационарларына кайрылгандар акырындык менен сакая баштаганы айтылат.
Толук маалымат үчүн 0770 939 993, 0500 848 848 номерлерине чалса болот.
