Өлкө башчы Садыр Жапаров 2030-жылга чейин дыйкандарды жер салыгынан бошотту. Бул тууралуу айыл чарба министри Бакыт Төрөбаев «Биринчи радиого» берген маегинде билдирди.

Министрдин айтымында, Садыр Жапаров бекиткен улуттук программада дыйкан-фермерлерди жер салыгынан бошотуудан тышкары, аларды суу менен камсыз кылуу да каралган.

“Биринчи кезекте биз фермерлерге сууну толук көлөмдө жана өз убагында алып барып беришибиз керек. Бул үчүн суу сактагычтарды куруп жатабыз, каналдарды куруп атабыз. Ошондой эле сууну жоготууну азайтуу боюнча иштерди жасап атабыз”,- деди Бакыт Төрөбаев.