Борбор калаанын Жылуулук электр борборунун (ЖЭБ) кампаларында 243,6 миң тонна көмүр топтолду. Мэриянын басма сөз кызматы бул көлөм ишкананын азыркы тапта үзгүлтүксүз иштешине жетиштүү экенин билдирди.

Жалпысынан 2025–2026-жылдардын күз-кыш мезгилинен ийгиликтүү чыгуу үчүн энергетиктерге 1,4 млн тонна катуу отун керектелет.

Мекеме баса белгилегендей, көмүр ташуу иштери бекитилген графикке ылайык так жүрүп жатат. Керектүү корун кармап туруу максатында, жеткирүү иштери жылуулук берүү мезгили аяктаганга чейин улантылат.