Борбор калаага коомдук транспорттун жаңы партиясын жеткирүү иши ийгиликтүү аяктады. Муниципалитет буга чейин сатып алууну макулдашкан 95 автобустун баары Кытайдан Бишкекке келди. Учурда техниканын баары 1-ДЕПОнун аймагына жайгаштырылды.

«Yutong» заводунан чыккан жаңы автобустар ыңгайлуулуктун жана коопсуздуктун заманбап талаптарына жооп берет:

• Көлөмү: Ар бир автобустун узундугу 12 метрди түзөт, жүргүнчүлөргө ыңгайлуу болушу үч эшиктүү.
• Сыйымдуулугу: Транспорт 70ке жакын жүргүнчүнү ташууга ылайыкталган, анын ичинде 28 орундук бар.
• Климат-контроль: Автобустар Бишкектин аба ырайынын шарттарына ылайыкташтырылган — жайында салондо кондиционерлер иштейт, ал эми кышында жылытуу системасы каралган.

Транспорттун бул партиясын жеткирүү боюнча келишимге борбор калаанын мэри Айбек Жунушалиев 2025-жылдын октябрь айынын аягында жетишкен. Шаар башчысы өндүрүш процесстерин жана чогултуу сапатын баалоо үчүн Кытайдагы «Yutong» заводуна жеке өзү барган.