Кыргызстандын борборунда бир нече билим берүү мекемесинде окуучуларды жана кызматкерлерди шашылыш эвакуациялоо жүрүп жатат. Бишкек ШИИБнин маалыматына караганда, буга болжолдуу даярдалып жаткан террордук актылар тууралуу келип түшкөн билдирүүлөр себеп болду.

Учурда төмөнкү мекемелерде эвакуация жүргүзүлгөнү белгилүү:

• № 24 мектеп-гимназиясы;
• № 44 мектеп;
• № 15 мектеп;
• № 10 мектеп;
• Kings International School жеке мектеби.

Жеринде милиция кызматкерлери иштеп, мектептердин аймагы курчоого алынды. Адис-кинологдор имараттарда жарылуучу заттар бар-жогун текшерип жатышат. Окуянын чоо-жайы такталууда.