Кечээ «Азамат» унаа базарынын жанында өлүм менен коштолгон жол кырсыгы катталып, анын кесепетинен эки адам каза болду.

ЖКККББнын маалыматына ылайык, Mercedes-Benz унаасы автоунаа базарынын аймагынан чыгып жатып, жол эрежесин бузуу менен Бишкек тарапка бурулган. Ошол учурда башкы жол менен келе жаткан Hyundai Palisade унаасы аны сүзүп кеткен.

Катуу соккудан улам Mercedes-Benz унаасынын айдоочусу жана жүргүнчүсү окуя болгон жерде каза болушкан. Ал эми Hyundai Palisade унаасындагы эки адам жаракат алып, Сокулук аймактык ооруканасына жеткирилген.
Кырсык болгон жерде жол-кайгуул кызматынын жана ыкчам кызматтардын кызматкерлери иш алып барышты. Учурда кырсыктын себептери такталып, текшерүү жүрүүдө.