Бишкек шаарында жол кырсыгынан 4 адам жаракат алды. Бул тууралуу Милициянын кайгуул кызматынын маалымат катчысы Байказы Айтикул уулу билдирди.
Маалыматка ылайык, окуя кечээ, 11-августта саат 22:00дөр чамасында Бишкек шаарындагы Айтматов жана Токомбаев көчөлөрүнүн кесилишинде болгон. Анда «Хонда Степ» үлгүсүндөгү автунаа менен «Ниссан Марч» үлгүсүндөгү автоунаа кагылышкан.
Жол кырсыгынын кесепетинен 4 адам жаракат алган, алардын экөө балдар.
“2 жаран №4-ооруканага, 2 жаран №3-балдар ооруканасына жаткырылган. Бул факт боюнча азыркы учурда эки унаа убактылуу токтотуучу айып короо жайына токтотулуп, тийиштүү экпертиза дайындалып, жол кырсыгынын келип чыгуу себеби такталууда”, — деди Айтикул уулу.
