ИИМдин маалыматына ылайык, милиция кибершылуундукка бөгөт коюу боюнча жүргүзгөн операциянын жүрүшүндө 2002-жылы туулган жаран колго түштү.

27–28-август күндөрү ал жана анын өнөктөштөрү өздөрүн Улуттук банктын жана УКМКнын кызматкерлери катары тааныштырып, 1958-жылы туулган жаранды алдап, 600 миң сомун ээлеп алышкан. Бул факты боюнча Кылмыш-жаза кодексинин 209-беренеси (“Алдамчылык”) менен иш козголду.

Текшерүүдө шектүүнүн жанынан Кыргызстандын уюлдук операторлоруна таандык 700 активдештирилген SIM-карта табылган. Тергөөнүн версиясы боюнча ал кылмыштуу топто “активатор” ролун аткарып, SIM-карталарды каттап, WhatsApp номерлерине байлап, кийинчерээк башка адамдарга саткан.

Соттун чечими менен шектүү камакка алынып, иликтөө иштери уланууда.