Бүгүн, 20-октябрда Х “Art-Ordo – 2025” эл аралык театр фестивалынын салтанаттуу ачылыш аземи болуп өттү.

Маданият, маалымат жана жаштар саясаты министрлиги кабарлагандай, фестиваль Улуу Ата Мекендик согуштагы Жеңиштин 80 жылдыгына жана Кыргызстандын эл жазуучусу, драматург Мар Байжиевдин 90 жылдыгына арналган.

Маданият министрлиги белгилегендей, фестивалдын максаты — Улуу Жеңишти даңазалоо, Мар Байжиевдин чыгармачылыгын эскерүү, кыргыз театр өнөрүн эл аралык деңгээлге чыгаруу, театрлар ортосунда тажрыйба алмашуу жана жаш актёрлорду колдоо.

Фестивалдын программасы:

20–25-октябрь күндөрү спектаклдер саат 11:00 жана 19:00дө төмөнкү театрларда көрсөтүлөт:

• Токтоболот Абдымомунов атындагы Кыргыз улуттук академиялык драма театры;
• Чыңгыз Айтматов атындагы Улуттук орус драма театры;
• Бакен Кыдыкеева атындагы жаш көрүүчүлөр театры;
• Шаршен Термечиков атындагы Чүй облустук музыкалык драма жана сатира театры.

Бардык каалоочулар үчүн кирүү акысыз.